Zomi Innkuan USA
Executive Committee

Thupulakna (Press Release)
March 28, 2016

Zomi Khawmpi USA 2016
(National Convention of Zomi Communities in the United States)

Zomi Innkuan USA (ZIUS) kipawlna, Board of Directors pawlin March 26, 2016 ni in Board Meeting (3/2015~16) lawhcing takin bawlzo a, Board Members mimal (48) kah hi. Board Meeting sung ah ZIUSA Kipawlna Maban tuamtuamte leh ahong tung ding July 4th Week-end sung teng a kibawl ding Zomi Khawmpi USA 2016 pawipi (Khawmpi) vaihawmna tawh kisai, Executive Committee thusunnate kikupna kinei a, anuai a bangin kikhensat hi.

1. Khawmpi pen Tennessee Gamkee, Nashville khuapi ah, Zomi Innkuan Tennessee kipawlna innteekna tawh bawl dingin kikipsak hi.

2. Khawmpi pen July 1 ~ 2, 2016 (Friday ~ Saturday) ni sung tengin bawl dingin kikipsak hi. ZIUSA Cup Soccer Tournament pen June 30, 2016 ni in kipankhol dingin kikhensat hi.

3. Khawmpi alawhcin zawhna dingin ma apang ding, anuai a Tanupi Pawlte, Tanu Pawlte kikipsak hi.
(1) Zomi Khawmpi USA 2016 Committee
(2) ZIUSA Cup Soccer Sub-Committee
(3) Zomi Idol & Concert Sub-Committee
(4) Zomi Siamsin & Youth Sub-Committee
(5) Miss Zomi USA 2016 & Zomi Fashion Show Sub-Committee
(6) Zomi Forum Sub-Committee
(7) Fund Raising Sub-Committee

4. Khawmpi bawlna dingin a kisam sum leh paaite akingah theihna dingin anuai a bangin vaihawm (Fund Raising) ding kithukim hi.
(1) ZIUSA kipawlna sung a kipawlkhawm Zomi Innkuan kipawlna khatciat in atawm pen $200 khia ding hi.
(2) Finance Sub-Committee in Khawmpi T-Shirt bawl ding a, US gam sung teng ah hong zuak ding hi. Zomi Innkuan kipawlna khempeuh tung ah kipuak ding hi.
(3) Finance Sub-Committee in Fund Raising Lucky Draw hong bawl ding a mimal kimin sum leh paai tawh Khawmpi panpih theihna dingin hong hawmkhia ding hi. Zomi Innkuan kipawlna khempeuh tung ahzong kihawmkhia ding hi.
(4) Finance Sub-Committee in Zomi Innkuan Dialkhai (Flag) – Sticker hong bawl ding uh a, Zomi khempeuh tung ah hong hawmkhia ding uhhi.

5. Khawmpi leh Zomi Forum ah Zinmangpi, Zinmangte, Thudotpite leh Thusung dingin sim leh mal, sak leh khang, tuipi galkhat a om Zomi Makaite, Mipil Misiamte kisam ding hi.

6. Zomi Khawmpi USA 2016 sung a kibawl ding pawi tuamtuamte tawh kisai thu leh late, Khawmpi Committee leh Sub-Committee tuamtuamte in a hun zui in hong taangko ding hi.

Executive Committee
Zomi Innkuan USA

Tang’in, thupiakna bangin;

GSKhup
General Secretary
Tulsa, OK, USA

Please follow and like us:

No Comment

You can post first response comment.

Leave A Comment

Please enter your name. Please enter an valid email address. Please enter a message.