Zomi Innkuan USA, Inc.
Executive Committee

Thupulakna (Press Release)
February 29, 2016

Zomi Khawmpi USA

Zomi Innkuan USA kipawlna in kum nih hal a, July 4th Holiday Week-end simin abawl Zomi Khawmpi USA pawipi pen tu 2016 kum inzong bawl dingin Executive Committee in January 23, 2016 ni a Thukikupna sung ah khensat hi. Zomi Khawmpi USA 2016 pawipi innteek dingin Zomi Innkuan Tennessee kipawlna kicial a, minam itna leh Zomi Innkuan USA kipawlna panpihna tawh hong sang uhhi. Tua ahih manin, “Zomi Khawmpi USA 2016” pawipi pen anuai a hun-geelna bangin kibawl ding hi.

Zomi Khawmpi USA 2016 Hun-geelna
A Ni : July 1, 2, 2016 (Friday, Saturday)
A Mun : Nashville, TN, USA
Innteek : Zomi Innkuan Tennessee

Zomi Khawmpi USA 2016 pawipi sung ah, ngeina mahbang in tukpeng (bawlung) kidemna a kipan pawi tuamtuamte bawl dingin akigeel laitak hi a, asawtlo in pawi bawl ding vai tawh kisai thu leh late akicing in hong kitaangko ding hi.

Zomi Khawmpi USA 2016 pawipi asiim dingin US gam sung a om Zomi khempeuh leh tuipi galkai Zomi khempeuh a kipan, Kawl gam Vai gam a om Zomi khempeuh hong kisam hi. Pawipi a siim dingin tu a kipan in kigingkhawl ni.

Zomi Khawmpi USA 2016 pawipi ah kimu ni ei.

Executive Committee
Zomi Innkuan USA

Tang’in, thupiakna bangin;

GSKhup
General Secretary
Tulsa, OK, USA

Please follow and like us:

No Comment

You can post first response comment.

Leave A Comment

Please enter your name. Please enter an valid email address. Please enter a message.